Jón Steinar Gunnlaugsson er með athyglissjúkari mönnum norðan Alpafjalla og besserwisser par excellence. Undir verndarvæng Davíðs hefur hann fengið að láta ljós sitt skína langt umfram eftirspurn. Sú ákvörðun Háskólans í Reykjavík að dubba þennan þrætubókarstaglara upp í prófessorsembætti sýnir best að stofnunin er reiðubúin að fórna fagmennsku fyrir pólitískan velvilja þegar það þykir henta. Jón Steinar er pólitískasti og hlutdrægasti lögmaður landsins og af þeirri ástæðu einni ættu fjölmiðlar að varast hann eins og heitan eldinn í faglegri umræðu. Því er ekki að heilsa og ber það ekki fjölmiðlunum faglegt vitni. Það væri meira vit í því að setja lög sem skylduðu fjölmiðla til að vinna faglega og láta ekki gæludýrin vitna um húsbændur sína eða vini en að setja þau fáránlegu ólög sem nú er verið að þröngva í gegnum Alþingi Íslendinga með dæmalausu ofbeldi.
Engin ummæli:
Skrifa ummæli